Mae colli rhywun rydych chi’n ei garu yn gallu bod yn annioddefol. Ond gallwn ni eich cyfeirio chi at gymorth ymarferol, emosiynol ac ariannol a all eich helpu chi i ymdopi.
Os ydych chi wedi colli rhywun rydych chi’n ei garu i ganser
Mae’r rhestr o bethau mae angen i chi eu gwneud pan fo rhywun yn marw, yn gallu bod yn anodd. Yn enwedig pan rydych chi’n delio â galar a sioc. Cliciwch yma i gael canllaw cam-wrth-gam o beth fydd angen i chi ei wneud.
- Mae’r gwasanaeth ‘Tell us once’ yn cael ei redeg gan y rhan fwyaf o awdurdodau lleol ar ran yr Adran Gwaith a Phensiynau, ac mae’n gadael i chi roi gwybod i wasanaethau llywodraeth leol a chanolog am y farwolaeth, a hynny ar yr un pryd. Mae hyn yn golygu nad oes angen i chi ysgrifennu at, neu ffonio, pob gwasanaeth.
- Efallai y byddwch chi’n gymwys i gael help tuag at gostau’r angladd trwy Daliadau Costau Angladd os mai chi sy’n gyfrifol am gost yr angladd, ac eich bod yn derbyn budd-dal sy'n dibynnu ar brawf modd perthnasol.
- Efallai y byddwch chi’n gymwys i dderbyn budd-daliadau profedigaeth fel Taliadau Cymorth mewn Profedigaeth neu Lwfans Profedigaeth, yn dibynnu ar eich amgylchiadau.
- Os ydych chi’n ei chael yn anodd delio â marwolaeth anwyliad, gallwch chi ffonio ein Llinell Gymorth am ddim ar 0808 808 1010.
- Mae llawer o bobl sydd wedi dioddef galar yn cael cymorth trwy ein corau Sing with Us
- Gallwch chi ddod o hyd i fathau eraill o gymorth emosiynol trwy’r Cyfeiriadur Cwnsela sydd â manylion cynghorwyr a therapyddion lleol.
- Mae Winston’s Wish yn cefnogi plant a phobl ifanc yn dilyn marwolaeth aelod o’u teulu.
Cysylltwch â’n Tîm Cyngor
Cysylltwch â’n tîm cyfeillgar a fydd yn gallu eich helpu gyda chyngor, neu ewch yma am fwy o wybodaeth am faterion ariannol. Defnyddiwch ein ffurflen Gofyn i’r Cynghorwr neu ffoniwch eich Llinell Gymorth am ddim ar 0808 808 1010.