Skip to main content
Siaradwch â ni am ganser 0808 808 1010
Cyfrannwch
Cymorth

Gall diagnosis o ganser gael effaith fawr ar eich sefyllfa ariannol. Efallai eich bod yn poeni am dalu eich biliau, ymdopi â chostau byw , neu’n ansicr a oes gennych hawl i unrhyw gymorth ariannol

Nid oes rhaid i chi wynebu'r heriau hyn ar eich pen eich hun. Yma yng Ngofal Canser Tenovus, gall ein tîm Cyngor ar Fudd-daliadau eich helpu i ddeall pa gymorth ariannol sydd ar gael a’ch tywys drwy’r  opsiynau sy’n addas  i chi. Mae ein gwasanaeth am ddim, yn gwbl gyfrinachol ac ar gael yn y Gymraeg a’r Saesneg.

P’un a oes gennych gwestiynau am fudd-daliadau, grantiau neu reoli eich arian, rydym yma i’ch helpu chi.

Grantiau a budd-daliadau

Efallai fod gennych  hawl i gymorth ariannol i helpu gyda’r costau ychwanegol sy’n gallu dod yn sgil canser. 

Gall ein Cynghorwyr ar Fudd-daliadau eich helpu i ddeall pa fudd-daliadau neu grantiau y gallech fod yn gymwys i’w cael, a’ch cefnogi drwy’r broses  o wneud cais.

Gwybod mwy

Rheoli eich arian

Gall canser effeithio ar eich incwm yn ogystal â’ch  treuliau.

O gyllidebu a biliau’r cartref  i forgeisi, rhent a chostau bob dydd, gallwn eich helpu i ddod o hyd i ffyrdd o reoli eich arian a gwneud penderfyniadau ariannol gwybodus yn ystod ac ar ôl triniaeth ac wedi hynny.

Gwybod mwy

Gofyn i’r cynghorydd

A oes gennych gwestiwn am arian neu fudd-daliadau?

Os yw’n well gennych ysgrifennu pethau lawr, gallwch anfon eich cwestiynau at ein tîm Cyngor ar Fudd-daliadau gan ddefnyddio ein gwasanaeth cyfrinachol, Gofyn i’r Cynghorydd. Byddwn yn ceisio  ymateb erbyn y diwrnod gwaith nesaf.

Gwybod mwy

Ddim yn siŵr ble i ddechrau?

Does dim angen i chi wybod yn union pa gymorth sydd ei angen arnoch chi cyn cysylltu â ni.

Mae ein tîm Cyngor ar Fudd-daliadau yn gyfeillgar ac yn barod i wrando. Gallwn drafod eich sefyllfa, ateb eich cwestiynau a’ch  helpu i ddod o hyd i’r cymorth ariannol sy’n iawn i chi.

Os hoffech  siarad â rhywun, ffoniwch ein Llinell Gymorth am ddim ar 0808 808 1010.

Mae ein Gwasanaeth Cyngor ar Fudd-daliadau wedi’i achredu gan y Advice Quality Standard, sy’n rhoi sicrwydd i chi am ansawdd uchel ein cyngor a’r prosesau rydyn ni’n eu dilyn

 

Os yw canser wedi effeithio arnoch chi neu rywun rydych chi'n ei garu, mae ein Llinell Gymorth canser am ddim yno i chi. Ffoniwch 0808 808 1010