Weithiau mae’n haws ysgrifennu pethau lawr na siarad ar y ffôn
P’un a ydych chi newydd dderbyn diagnosis, yn poeni am rywun annwyl, neu mae gennych gwestiynau am ganser, triniaeth neu sgil-effeithiau, mae ein nyrsys canser profiadol yma i gynnig gwybodaeth, cymorth a chysur.
Peidiwch â phoeni os nad ydych chi’n siŵr beth i’w ofyn- dywedwch wrthym beth sydd ar eich meddwl, a bydd ein nyrsys yn gwneud eu gorau glas i’ch helpu.
Mae ein gwasanaeth Gofyn i’r Nyrs yn eich galluogi i anfon eich cwestiynau atom arlein a chael ymateb gan ein tîm nyrsio'r diwrnod gwaith nesaf. Rhannwch gymaint o wybodaeth yr ydych chi’n teimlo’n gyfforddus yn ei rhannu. Bydd unrhyw fanylion rydych yn rhannu yn ein helpu i roi’r ateb mwyaf defnyddiol posibl i chi.
Mae Gofyn i’r Nyrs yn wasanaeth cyfrinachol. Bydd eich gwybodaeth yn cael ei defnyddio i ymateb i’ch ymholiad ac ni fydd yn cael eu rhannu heb eich caniatâd, ac eithrio mewn rhai amgylchiadau penodol lle mae rhwymedigaeth gyfreithiol neu broffesiynol i wneud hynny.