Elusen y Flwyddyn

Dewch â’ch pobl ynghyd, cefnogi pobl sydd wedi’u heffeithio gan ganser a gwneud gwahaniaeth ledled Cymru

Mae dewis Elusen y Flwyddyn yn ffordd wych o roi achos cyffredin i’ch staff ddod ynghyd i’w gefnogi. Mae’n creu cyfleoedd i gymryd rhan, rhoi cynnig ar bethau newydd a gwneud gwahaniaeth cadarnhaol gyda’i gilydd.

Yn Gofal Canser Tenovus, rydyn ni’n gweithio gyda busnesau o bob maint ac ar draws pob sector. Byddwn ni’n dod i adnabod eich sefydliad ac yn eich helpu i wneud y gorau o’ch partneriaeth, gyda chyfleoedd sy’n addas i’ch staff ac i’r hyn rydych chi am ei gyflawni.

Pam dewis Gofal Canser Tenovus?

Drwy ddewis Gofal Canser Tenovus fel eich Elusen y Flwyddyn, byddwch chi’n ein helpu i ddarparu cymorth ymarferol, emosiynol ac ariannol i bobl sydd wedi’u heffeithio gan ganser ledled Cymru.

Mae eich partneriaeth hefyd yn rhoi cyfle i’ch staff:
- Gymryd rhan mewn gweithgareddau codi arian, digwyddiadau her a digwyddiadau arbennig
- Gwirfoddoli eu hamser a defnyddio eu sgiliau
- Dysgu mwy am ganser a sut mae’n effeithio ar bobl
- Clywed gan ein timau arbenigol am y cymorth rydyn ni’n ei ddarparu
- Gwneud gwahaniaeth yn eu cymunedau lleol

Partneriaeth Elusen y Flwyddyn sy’n addas i chi

Mae pob busnes yn wahanol, felly dydyn ni ddim yn cynnig yr un bartneriaeth i bawb.

Byddwn ni’n gweithio gyda chi i ddeall eich sefydliad, eich staff a’r hyn yr hoffech chi ei gyflawni. Gyda’n gilydd, byddwn ni’n datblygu rhaglen o gyfleoedd codi arian, gwirfoddoli ac ymgysylltu sy’n gweithio i chi.

Barod i wneud gwahaniaeth?

Os ydych chi’n chwilio am bartner Elusen y Flwyddyn, bydden ni wrth ein bodd yn clywed gennych chi.

Gall ein tîm Partneriaethau Corfforaethol drafod eich syniadau, ateb unrhyw gwestiynau ac edrych ar sut gallwn ni gydweithio.

Dewch i greu partneriaeth sy’n gwneud gwahaniaeth go iawn.

Cysylltwch â ni

Anfonwch e-bost at ein tîm Partneriaethau Corfforaethol: corporate@tenovuscancercare.org.uk