Ymgysylltu â’ch staff

O ddigwyddiadau cyffrous ledled Cymru i heriau ymhellach i ffwrdd, mae digon o ffyrdd i’ch staff fod yn egnïol a chefnogi achos da. Mae cymryd rhan yn ffordd wych o gryfhau ysbryd tîm, gwella llesiant a chyflawni rhywbeth gyda’ch gilydd.

O ddiwrnodau gwisgo’n hamddenol a gwerthu cacennau i heriau codi arian fel tîm, mae llawer o ffyrdd hwyliog a syml o godi arian yn y gweithle. Dewch â chydweithwyr ynghyd, byddwch yn greadigol a throi eich ymdrechion codi arian yn gymorth i bobl sydd wedi’u heffeithio gan ganser.

Mae Rhoi drwy’r Gyflogres yn ei gwneud hi’n hawdd i’ch staff gefnogi Gofal Canser Tenovus drwy roi’n rheolaidd yn uniongyrchol o’u cyflog. Mae’r rhoddion yn cael eu tynnu cyn didynnu treth, felly mae’n ffordd syml ac effeithlon o ran treth o roi.

Rhowch gyfle i’ch staff rannu eu hamser, eu sgiliau a’u profiad drwy wirfoddoli gyda ni. Mae gennym amrywiaeth o gyfleoedd i gyd-fynd â gwahanol ddiddordebau ac amserlenni, a gall ein tîm Datblygu Gwirfoddolwyr helpu i ddod o hyd i’r cyfle iawn.